Штербик го „однесе“ Вардар во финалето на Купот на Македонија

Ракометарите на Вардар по голема борба во полуфиналето од Купот на Македонија го совладаа Металург со 31:30 (17:14). Вардар водеше во текот на првиот дел, а на полувреме беше 17:14. Поради неспортски однос играчот на Металург Немања Обрадовиќ беше исклучен во финишот на првиот дел.

И без него Металург во вториот дел беше подобар тим и најпрвин успеа да изедначи, а потоа и водеше во поголемиот дел од вториот дел. Вардар повторно имаше водство во 55.минута, а во финишот на дуелот Арпад Штербик „врза“ неколку одбрани пред се на Илиќ и Вардар стигна до победата и финалето.

Во првото полуфинале Еурофарм Работник го совлада Охрид со 26:18.

„Вардарци“ кои важат за фаворити ќе се обидат да стигнат до 12.тиот трофеј во Купот на Македонија, додека за екипата од Битола Работник ова е прво финале.

Почетокот на финалниот дуел е во 16:30 часот.