Штетите од пожарите во Калифорнија најмалку една милијарда долари
Шумските пожари, кои овој месец ја опустошија Калифорнија, му причинија штета на осигураниот имот од најмалку една милијарда долари.
Истовремено, калифорниските власти соопштија дека речиси 7.000 куќи и други објекти се уништени во огнената стихија.
Надлежни екипи продолжуваат да ги пребаруваат подрачјата зафатени од пожарите, во кои загинаа 42 лица, и се очекува износот на штетата и бројот на уништените домови да се зголеми.
Официјалниот претставник за државно осигурување на Калифорнија, Дејв Џонс изјави дека прелиминарните проценки на загубите се направени врз основа на податоците од осум најголеми осигурителни компании во загрозените области, додавајќи дека при вршењето на проценките не е вклучен имотот што не е осигуран.
Тој истакна дека се очекува вкупната загуба веројатно драматично да се зголеми.
Ново на Сител
-
Втор случај на морбили во Македонија
-
СДСМ: Братучедот на баџанакот на Мицкоски имал фирма во Бугарија
-
Преглед на вестите од светот
-
Гркот Михалис Рокас ја почнува европската мисија во Македонија
-
Тема на денот со Златко Перински, министер за локална самоуправа
-
Алармантно во Мариовско, пожарот стигна на стотина метри од манастирот во Прилепец
-
Преглед на вестите од светот
-
Инспекторите на терен, дел од книжарниците продаваат по стари цени