Штипскиот Универзитет го одбележува Денот на Европа
Правниот факултет и Академијата за ликовни уметности при Универзитетот „Гоце Делчев“ –Штип денеска го одбележаа Денот на Европа.
На работилницата насловена „Европската Унија низ призмата на правото и политиките“, универзитетскиот професор на Правниот факултет, Дејан Маролов пред студентите истакна дека нашата држава со тоа што учествуваше во Втората Светска војна има право да го слави овој ден и дека сме дел сме од Европа иако се уште не сме влезени во ЕУ.
– Нашите евроатлански амбиции постојат уште од создавањето на независна Република Македонија. Поминавме многу тежок пат, сепак се уште не сме ја реализирале целта што беше зацртана, односно зачленување на нашата Република во евроатланските институции. Земја кандидат сме и ги имаме препораките на Европската комисија, започнување на преговори, вели Маролов.
Тој истакна дека кога земјата ќе го добие датумот за преговори со ЕУ мора да ги исполни критериумите од Копенхаген. Оптимист е дека наскоро ќе се добие датумот, но како што вели Маролов, тоа не значи дека веднаш ќе значи и директен влез во ЕУ. Смета дека мора да се случат реформите во судството, владеење на правото и да се работи на сузбивање на корупцијата.
Студентите од Ликовната академија денеска имаа изложба на плакати со наслов „Насилството врз жените“, со што и тие се приклучија на одбележувањето на Денот на Европа.
Ново на Сител
-
Ужас во Гостивар: 15 годишник извршил полов напад врз 5 годишно девојче
-
Приведени тројца државјани на Чешка, пронајдени стари монети
-
Трагедијата во Кочани главна тема на средбата Сиљановска Давкова – Радев, се разговарало и за евроинтеграциите
-
Јасно е дека светот влезе во многу турбулентна фаза, речиси никаде не сме безбедни, рече Сиљановска-Давкова по Акаба процесот во Софија
-
Најавеното опаѓање на температурите може да ги загрози земјоделските култури, посебно овошките
-
64-годишник од Македонски Брод бакнувал и го допирал по тело малолетно девојче
-
Кешишев: Кажав сè бидејќи имам грижа на совест поради тоа што го видов
-
Кај 60-годишник во Чаир пронајдени 14 тегли и една кеса со марихуана | ВИДЕО