Штрахе, и по аферата, повторно на одмор на Ибица
Патниците од авионот за Ибица во Виена беа изненадени кога неодамна го видоа Хајнц-Кристијан Штрахе, поранешен австриски вицеканцелар, кој со својата сопруга и децата одлучи одморот да го помине на тој остров.
Како што пренесуваат австриските медиуми, тоа немаше да биде изненадувачки доколку токму аферата „Ибица“ не му ја уништеше политичката кариера.
Пред две години Штрахе, за време на одморот на Ибица, имаше средба со наводно роднина на руски милијардер, на која и нудел државни работи за финансиска поддршка на неговата Либерална партија (ФПО), со заобиколување на финансиските контролни власти.
Целиот разговор, во траење од седум часа, бил снимен со видео камери, а снимките беа пуштени во јавност пред изборите за Европскиот парламент во мај оваа година.
Поради своите изјави, иако сето тоа се случило пред две години, тој веднаш поднесе оставка од функцијата вицеканцелар, но и од лидер на партијата.
Тој одбиваше да одговори на новинарски прашања во врска со неговиот одмор, но на шега често велеше дека за семеен одмор секогаш ја препорачува Ибица, каде што престојува последните 17 години.
Ново на Сител
-
Гостиварец собрал 760 евра за лекување, со измама му ги земале парите
-
Крвава драма во Тетово: Еден прободен
-
Убиена дива свиња пронајдена во багажник, кривична за две лица
-
Мицкоски: Не можеме повеќе да прифаќаме ултиматуми
-
АХВ: „Атлантик Штарк“ повлекува бисквити поради можност за присуство на надворешно тело
-
Тешко повреден мотоциклист во сообраќајна несреќа
-
Таравари: За приватните специјализанти ќе постапиме според интересот на болниците, над 10 доктори во Штип
-
Повеќе од 130 светски лидери следната недела на Генералното собрание на ОН