Швајцарски „шпион“ уапсен во Германија
Еден швајцарски државјанин е уапсен во Франкфурт, обвинет дека бил шпион, соопшти германското федерално обвинителство.
Во соопштението се вели дека уапсениот работел за една странска разузнавачка агенција, уште од 2012 година.
Неговиот идентитет не се открива, освен дека станува збор за маж на 54-годишна возраст, за кого имало налог за апсење уште од декември минатата година.
Според германските медиуми, уапсениот Швајцарец ја шпионирал даночната управа на Германија, а пред се истражните постапки што таа ги спроведува.
Апсењето на шпионот се поврзува со откритието дека германските даночни власти располагаат со компакт дискови, набавени на „контроверзен начин“ од еден „свиркач“ на швајцарска банка, во обид да ги уловат имотните Германците со сметки надвор од Германија
Целиот случај веќе има предизвикано расправија меѓу владите на Германија и Швајцарија и влошување на нивните билатерални односи.
Властите во Берлин ја оправдуваат својата постапка, за да дојдат до „важни докази“ на ваков начин, инсистирајќи дека тоа било неопходно за борбата против оние германски државјани кои избегнуваат да плаќаат данок, отворајќи тајни сметки во странски (швајцарски ) банки.
Но швајцарските власти тврдат дека плаќањето за „украдени информации“ од швајцарските банки е „погрешно и неоправдливо“.
Ново на Сител
-
Поранешните членови на Историската комисија се жалат на притисоци
-
Премиерот задоволен од интересот на општините
-
Филипче: СДСМ е против задолжување кај Унгарија
-
Преглед на вестите од светот
-
Власта чека на ДУИ за измените во Законот за локална самоуправа
-
Тема на денот со Љупчо Петковски, политиколог
-
Дисциплинска за Наим Рамука и член на обезбедувањето на Гаши - МВР го расчисти инцидентот на Блаце
-
Мицкоски: Тензиите околу црквата во Врапчиште се дел од обидите за дестабилизација