Си-Ен-Ен: Пенс оставен како „жртвено јагне“ откако одбил да измисли процедурален пуч
Претседателот на САД, Доналд Трамп и највисоките претставници на Белата куќа не биле многу заинтересирани за тоа како е потпретседателот Мајк Пенс и членовите на неговото семејство кои беа во Капитол кога демонстрантите упаднаа синоќа на Капитол, изјави за Си-Ен-Ен извор близок до Пенс.
Пенс, придружуван од сопругата Карен, ќерката Шарлот и братот, републиканецот Грег Пенс, беше во Капитол за да присуствува на свеченото пребројување на гласовите во Конгресот, кога неколку приврзаници на Трамп упаднаа во зградата и извикуваа „Каде е Мајк Пенс?“. Тоа ги исплаши Пенс и неговото семејство, пренесува Си-Ен-Ен.
Изворот наведува дека после тоа, ниту Трамп ниту неговите соработници не го побарале на телефон за да видат како се Пенс и неговото семејство.
„Дали тој воопшто беше загрижен дека толпата што и наредил да оди во Капитол може да му наштети на потпретседателот или на неговото семејство“, праша изворот
Никој од Белата куќа не одговори на прашањата на Си-Ен-Ен на таа тема, но луѓе блиски до Пенс веруваат дека тој останал како „жртвено јагне“ што ќе ја сноси вината откако одби да го сослуша Трамп и да измисли процедурален пуч што ќе го задржи на власт.
Од вторникот, Пенс, наводно, бил под постојан притисок од Трамп да ги објави резултатите од изборите. Во исто време, Трамп, наводно, го предупредил дека може да очекува значителни политички последици ако одбие да соработува, изјави изворот, додавајќи дека „пораката е повеќе од јасна“.
Медиумот додава дека по вчерашните настани, соработниците на Пенс сметаат дека Трамп го предал, како и шефот на кабинетот на Белата куќа, Марк Медоус и адвокатот Руди Џулијани.
Ново на Сител
-
Мицкоски: Предвидени се пари за раст на платите во јавната администрација за наредната година
-
Од денеска цените на дел од прехранбените производи треба да бидат намалени
-
Повеќе лесно повредени лица во сообраќајна несреќа на крстосница на регионалниот пат Куманово-Свети Николе
-
Минималните трошоци во септември 61.306 денари, ССМ се надева дека ако се почитува одлуката на Владата, ќе се намалат трошоците за храна
-
СВР Битола поднесе кривични пријави против осум лица поради предизвикување пожари
-
Поднесено обвинение за убиството на малата Данка Илиќ
-
Поднесено обвинение за убиството на Данка Илиќ
-
Трет уписен рок за студирање на УКЛО-Битола