Силите на сириските Курди ги потиснаа исламистите во северна Сирија
Силите на сириските Курди и нивните арапски сојузници минатата ноќ презедоа контрола врз воениот аеродром во Миниг во северна Сирија, што досега беше под контрола на исламистички антивладни групи.
Како што соопшти опозицискиот Сириски центар за мониторниг на човековите права со седиште во Лондон, здружените сили на курдските Единици за заштита на народот и на локалните арапски паравоени групи ги потиснале исламистичките борци од градот Миниг и презеле контрла врз блискиот воен аеродром, кој се наоѓа северно од Алепо, каде изминативе недели се водат жестоки борби меѓу сириските владини сили и бунтовниците.
Според Центарот, курдските сили го освоиле Миниг по жестоки неколкудневни борби со исламиситите, при што презеле контрола и врз повеќе села во регионот.
Со загубата на Миниг, исламистите ја загубија контролата врз последата воена база во провинцијата Алепо.
Исламистите го презедоа воениот аеродром во Миниг во август 2013 година, откако од таму ги потиснаа сириските владини сили.
Центарот посочува дека бунтовничките сили во провинцијата Алепо се изложени на двоен притисок, од курдските сили од запад и од владините трупи кои напредуваат северно од градот Алепо.
Ново на Сител
-
Мицкоски: Мојата позиција за употребата на името е јасна
-
Поскапува мазутот, цените на бензините и дизелот остануваат исти
-
Бектеши: Усвоената листа на производи за спречување нефер трговски практики дополнително ќе ја намали инфлацијатa
-
Просечната плата во април 41.085 денари
-
Мерко седна во судница, вели дека не се чувствува виновен
-
Зголемена синдикалната кошница за јуни
-
Македонија во портокалова фаза
-
Посебен режим на сообраќај во Скопје на 21.06.2024 и 22.06.2024 (петок и сабота)