Сириска опозициска група го поздрави договорот за примирје

Главната група на сириската опозиција денеска соопшти дека го поддржува прекинот на огнот, што се предвидува да стапи во сила од полноќ и да ја опфати цела Сирија, и оти умерените бунтовнички фракции ќе го почитуваат, но ќе се бранат себеси ако бидат нападнати.

Ахмад Рамадан од Сириската национална коалиција рече дека постигнатиот договор за примирје вклучува прекин на воздушните напади и бомбардирањето.

Според него, Слободната сириска армија, во која влегуваат неколку умерени бунтовнички фракции, ќе го почитува прекинот на огнот, но ќе одговори во случај на нарушувања од владата и сојузничките сили.

Сириската армија соопшти дека примирјето не се однесува на ограноците на Ал Каеда во Сирија и групата „Исламска држава".