Сириската армија започна копнена офанзива во Хомс
Силите лојални на сирискиот режим започнаа денеска офанзива во централната провинција Хомс, со поддршка на руските воздушни сили во кои загинаа најмалку 10 лица, јавуваат сириските државни медиуми и групи за набљудување.
Сириската телевизија, повикувајќи се на воени извори, соопшти дека војската започнала операција во северниот и северозападниот дел на провинцијата Хомс со цел повторно воспоставување безбедност и стабилност во селата и градовите на тоа подрачје.
Војската презема контрола над селото Ал-Дар Ал-Кабра, северно од Хомс, јави сириската телевизија.
Сириската опсерваторија за набљудување на човековите права, со седиште во Лондон, соопшти дека руски авиони извршиле најмалку 15 воздушни напади во области со борби во кои загинале најмалку 10 лица, од кои шест бунтовници.
Според воени извори операцијата во Хомс е стратешки поврзана со операциите на режимот во соседната провинција Хама во изминатите неколку дена.
Русија започна воздушна кампања во Сирија на 30 септември за борба против групата „Исламска држава“ и други терористи.
Ново на Сител
-
Палевски преноќи во Шутка
-
Прегласување: Течат роковите за тужби до Управен
-
Мицотакис: Нема да ги ратификуваме меморандумите за соработка
-
Џафери на регионален самит во Котор
-
Маричиќ ги презентираше приоритетите од планот за раст
-
Младите против врсничко насилство
-
Љупчо Палевски Палчо екстрадиран од Турција и сместен директно во Истражниот затвор во Шуто Оризари
-
Тема на денот со Горан Илијевски - Партија на Македонците во Србија