Сириските сили ја вратија контролата врз централен град по жестоките судири

Силите на сириската Влада презедоа централен град и околните населени места, зајакнувајќи ја безбедноста во околните региони, лојални на претседателот Башар ал Асад и навлегоа уште подлабоко во кварт во Дамаск, кој е под контрола на бунтовниците.

Сириската државна агенција САНА сооппшти дека војниците и провладините борци го зазеле централниот град Халфаја и околните населени места.

Сирискиот центар за мониторинг на човековите права соопшти дека бунтовниците се повлекле од Халфаја и околните населени места поради интензивниот копнен напад и десетици воздушни напади.

На 17 април силите на сириската Влада го зазедоа Тајбет ал Имам.

Сириската воена авијација соопшти дека владините сили навлегле подлабоко во квартот Кабун во Дамаск, преземајќи џамија, која се наоѓа на главниот пат.

Сирискиот центар за мониторинг на човековите права соопшти за интензивни судири во регионот.