Сириските владини сили ја вратија контролата над источниот дел на Алепо

Сириските владини сили ја вратија контролата над сите подрачја во источно Алепо, кои претходно беа под власт на бунтовници, соопшти сириската Опсерваторија за човекови права.

Оваа организација, со седиште во Лондон, информира дека сириските владини сили ги вратиле клучните подрачја, вклучувајќи го и западниот дел од квартот Дахиер ал-Асад и селото Мињан.

Опсерваторијата наведува дека се убиени повеќе од 450 борци и цивили, од кои 215 сириски и странски опозициски борци и 143 припадници на режимските сили.