Сириското воздухопловство изврши први напади со новите руски ловци

Најмалку 38 џихадисти загинаа во последниве 24 часа при напади на авиони на сириското Воено воздухопловство врз позиции на групата Исламска држава (ИД) во реонот на историскиот град Палмира, јави ДПА.

Според сириски воен претставник, кој побарал анонимност, во овие напад првпат учествувале и новите авиони-ловци што Русија и ги достави на Сирија, како помош во борбата против тероризмот.

Истиот извор информира дека со руските ловци управувале сириски пилоти.

Тој соопштил и дека првите нови авиони од руско производство пристигнале во Сирија пред десетина дена, додавајќи дека покрај во реонот на Палмира, тие учествувале и во напади врз градот Рака, кој џихадистите го прогласија за престолнина на нивниот т.н. „Исламски Калифат“.

Покрај новите авиони, во напади врз бунтовниците североисточно од градот Латакија, сириските сили ги користеле и новите артилерските системи добиени од Русија