Сите трагаат по неа: По крвавиот пир ѝ се губи секаква трага на оваа девојка
Припадник на Исламската држава пред две ноќи со камион влета во масата луѓе на божиќниот саем во Берлин, напад со кој уби 12, а повреди 48 лица. После несреќата, неколкумина се водат за исчезнати, а меѓу нив и 30-годишната Фабриција ди Лоренцо од Италија.
На местото на крвавиот пир се пронајдени нејзиниот мобилен телефон и карта за метро, но нејзиното тело го нема и засега не е познато дали настрадала во нападот. Доколку не е, нејасно е зошто веќе два дена не контактирала со семејството, ниту со нејзините најблиски пријатели, пишува италијанската „Република“.
До сега се идентификувани шест жртви, сите државјани на Германија. Семејството на Фабриција стравува дека и таа може да е една од останатите шест неидентификувани жртви. Братот и мајката допатувале во Берлин за да дадат ДНК за споредба.
Таткото е скршен.
– Нема многу надеж за нас. Ја следев целата ситуација и нападот беше готов околу 1:30 часот после полноќ. Се јавивме во Министерството за надворешни работи. Син ми се јави од Берлин, не делува како да има надеж дека Фабриција е се уште жива. Уште чекаме официјална потврда, но да не се залажуваме – вели тажниот татко.
Ново на Сител
-
ЦУК: Конститутивна седница на Управувачкиот комитет за координација
-
Кривична пријава за 16-годишник од Крива Паланка, украл автомобил од сограѓанин
-
Тешко повредени мајка и ќерка од Гостивар откако врз нив паднала порта
-
Ужас во Скопје: Го киднапирале и го натерале да се самозапали
-
Оливер Миланов ја презеде функцијата директор на Агенција за храна и ветеринарство
-
Злате Мехмедовиќ ќе биде новиот директор на Клиниката за физикална медицина и рехабилитација
-
Франција распореди 30.000 полицајци поради страв од немири на денот на изборите
-
Кој е Кир Стармер, идниот британски премиер?