Сите вакцинирани во Србија ќе можат да се ревакцинираат во земјава, освен оние со „Астра Зенека“
Сите граѓани кои се вакцинирани во Србија со кој бил тип на вакцина, освен со „Астра Зенека“, ќе можат да се ревакцинираат кај нас, истакна денеска министерот за здравство Венко Филипче.
Тој додаде дека за помладите од 60 години, кои што вакцинирани со „Астра Зенека“, засега нема препорака да се ревакцинираат.
– Се уште нема јасен став, се уште се анализираат и публикациите и ставовите на многу национални агенции за лекови, дали евентулано треба да примат друга вакцина или не. Така што во таа смисла препораката е да не се прима втората доза на вакцина на „Астра Зенека“. Нашата одлука е да не се вакцинираат граѓани под 60 години со вакцината на „Астра Зенека“, истакна министерот за здравство Венко Филипче.
Тој посочи дека верува оти во периодот што следи ќе има јасен став и за таа категорија на граѓани.
Околу мотивацијата на граѓаните за пријавување за вакцина, Филипче рече дека сега приоритет им даваат на оние граѓани коишто се веќе пријавени и врз основа на тоа се прави и прераспределбата на вакцините, но оти еден од механизмите е повик од матичните лекари.
– Ние во мај очекуваме дополнителна голема количина од 500.000 вакцини на „Синовак“, мислам дека ќе бидат сосема соодветно снабдени сите пунктови за масновна вакцинација. Овие коишто сега доаѓаат на „Фајзер“ се со еден јасен распоред каде треба да бидат диситрбуирани. Се уште, за жал, нема конкретен одговор за втората количина на „Астра Зенека“ преку Ковакс и од руските вакцини, меѓутоа тоа дефинитивно е еден од механизмите, истакна министерот за здравство.
Тој воедно упати апел до граѓаните да се пријавуваат за имунизација преку сајтот вакцинација.мк, бидејќи, како што рече, тоа е еден од најсоодветните механизми.
Ново на Сител
-
Назначени нови директори на ЈСП, ЈП Паркови и зеленило и ЈП Улици и патишта
-
Во Германија една четвртина од вработените сè уште работат од дома
-
Тошковски: Справувањето со илегалната миграција и останатите форми на прекуграничен криминал се еден од нашите главни приоритети
-
Мицкоски: Граѓаните да бидат спокојни зголемување на цената на електричната енергија нема да има
-
Повредени тројца од екипата на Итна помош откако беа заглавени во лифт во Кисела Вода што паднал во подрум
-
За пет месеци фреквенцијата на патници на ГП „Блато" зголемена за 14 отсто
-
Николоски бара Обвинителството да го испита работењето на ЈП за државни патишта и ЖРСМ Инфраструктура
-
Приведен скопјанец кој уценувал девојка