СКСЗМ: Бизнисите по изборите ќе можат да размислуваат за идни инвестиции

Бизнисите ќе можат да го планираат натамошниот развој и да размислуваат за идните инвестиции дури откако ќе се знае кој ќе биде влада, а кој опозиција, смета Стопанската комора на северозападна Македонија (СКСЗМ) по синоќешната одлука на политичките партии за предвремени парламентарни избори.

Комората од ваквата одлука очекува стабилизирање на ситуацијата.

- Откако се договорија лидерите за избори, ќе има простор за стабилизација на ситуацијата, но најверојатно дури по изборите, кога ќе се знае кој ќе биде дел од владата, а кој дел од опозицијата, бизнисмените ќе можат поконкретно да размислат за нивниот развој и за новите инвестиции, рече денеска претседателот на Комората Неби Хоџа на прес-конференција, одговорајќи на новинарски прашања.