Словачкиот претседател стави вето на пакетот антитерористички закони
Словачкиот претседател Андреј Кишка стави вето на пакетот-закони за борба против тероризмот, кој минатата недела го усвои Парламентот, јави дописникот на МИА од Прага.
Предлог-законите предвидуваат зајакнување на овластувањата на полицијата и тајните служби.
Словачкиот Парламент на вонредна седница в понеделник повторно ќе ги разгледува измените, а владејачката партија СМЕР-Социјална демократија го има мнозинството за повторно изгласување на пакетот.
Антитерористичкиот пакет- закони обезбедува, на пример можност за апсење на лице, зголемување на овластувањата на тајните служби, непрекинат пристап до податоците на мобилните оператори врз основа на судска одлука, како и зголемување на долната граница на казната за кривичното дело поддршка на терористички групи од актуелните осум на 10 години.
Претседателот Кишка се одлучи на вето на барање на стотици јавни личности во Словачка, со образложение дека измените во законите и Уставот може да бидат злоупотребени за „мешање на државата во слободата и приватноста на граѓаните“.
- Мерките немаат никаква врска со борбата против тероризмот. Сметаме дека е неприфатливо, за јакнење на моќта на безбедносните сили на државата и за ограничување на слободата на граѓаните да се одлучува без да се вклучат експерти и поширока јавност од таа област, во контекст на предизборната кампања на владејачката партија, велат потписниците на барањето за вето на антитеростичките закони.
И опозициските пратеници ги критикуваа измените, тврдејќи дека водат кон создавање на полициска држава.
Ново на Сител
-
Лишен од слобода кавадарчанец кој му се заканувал на градоначалникот
-
Царинска управа: Одземена дрога испратена во мала пратка и огнено оружје од скопјанец
-
Едно лице загина, две се повредени во сообраќајка што се случи вчера на автопатот Куманово-Скопје
-
Во руски напад врз областа Харков загинаа 11 лица
-
Герапетритис: Договорот од Преспа не се менува и не се ревидира еднострано
-
ЦУК: Пожарникари извлекувале човек паднат во река, вода од подруми, дворови, лифт
-
Најмногу дожд во Берово
-
Прегласување на седум избирачки места во петтата и шестата изборна единица во среда