Со автомобил удриле во бетонски ѕид, 80-годишен сопатник загина a возачот е тешко повреден

На 15.12.2024 во 15.44 часот во СВР Битола било пријавено дека на ул.„Довлеџик“ во Битола, патничко возило „сузуки“ со битолски регистарски ознаки, управувано од Б.К.(54) од Битола, удрило во бетонски столб.

-Од здобиените повреди на местото починал сопатникот М.К.(80) од Битола, а смрт констатирал лекар од Итна медицинска помош Битола.  Додека, возачот се здобил со тешки телесни повреди, констатирани во Клиничката болница Битола, информира МВР.

Извршен бил увид од јавен обвинител и увидна екипа од СВР Битола.