Со доделување на наградата „Златна лира“ во Ресен завршуваат „Хераклејските поетски свечености“
Со доделување на наградата „Златна лира“ за 2016 година на академик Богомил Ѓузелов и негово прогласување за „Поетас лауреатис“ вечер во дворот на Ресенскиот Сарај ќе заврши 11. издание на фестивалот „Хераклејски поетски свечености“.
Манифестацијата која втора година по ред се одржува под мотото „Поетски средби на медитеранот“, почна синоќа во Битола, а прв пат се одржува и во Ресен.
Извршниот директор на фестивалот Љубомир Груевски информира дека на 11. „Хераклејски поетски свечености“ учествуваат поети од земјава и странство.
- Хераклејските поетски свечености уште во самиот старт беа замислени како собир на поетите од соседството, а го покренаа група значајни македонски поети меѓу кои бевме јас Михаил Ренџов, Ристо Јачев и други. Од минатата година делуваме под мотото „Средби на Медитеранот“ со цел македонските историски, традиционални и културни вредности да ги ставиме во светскиот центар на културата – Медитеранот, каде Македонија со своите културни вредности несомнено припаѓа во културна смисла, изјави Груевски.
Во рамките на манифестацијата во Ресенскиот Сарај ќе бидат промовирани неколку книги меѓу кои и на трагично загината битолска поетеса Катерина Наковска, а со поетски читања ќе се приклучат и членовите на друштвото „Преспанска Елегија“.
Фестивалот „Хераклејски поетски вечери“ е поддржан од Општина Ресен, која има интенција да го постави како традиционална манифестација која во мноштвото на други културни настани за време на летото во иднина ќе го збогати културниот живот на преспанчани.
Ново на Сител
-
ЦУК: Конститутивна седница на Управувачкиот комитет за координација
-
Кривична пријава за 16-годишник од Крива Паланка, украл автомобил од сограѓанин
-
Тешко повредени мајка и ќерка од Гостивар откако врз нив паднала порта
-
Ужас во Скопје: Го киднапирале и го натерале да се самозапали
-
Оливер Миланов ја презеде функцијата директор на Агенција за храна и ветеринарство
-
Злате Мехмедовиќ ќе биде новиот директор на Клиниката за физикална медицина и рехабилитација
-
Франција распореди 30.000 полицајци поради страв од немири на денот на изборите
-
Кој е Кир Стармер, идниот британски премиер?