Со измената на Правилникот, пет жени од „Идризово“ на викенд отсуство
Со измена на Правилникот за распоредување, класификација и разместување на осудените лица во казнено-поправните установи, жените-затворенички од „Идризово“ почнаа со користење право на викенд отсуство. Погодностите се користат по потреба, на барање на затвореничките и досега е одобрено за пет жени, меѓу кои и за Гордана Јанкуловска.
Директорот на затворот „Идризово“ Зоран Јовановски посочува дека привилегиите ги користат по потреба.
-Одобрен е за пет жени. Привилегиите ги користат по потреба, на нивно барање, потврди за МИА Јовановски.
Откако Комисијата за антидискриминација утврди дека затвореничките од женски пол се дискриминирани со Правилникот во „Идризово“, тој беше променет од Управата за извршување санкции и Министерството за правда. Со измените на Правилникот за распоредување, класификација и разместување, донесен од страна на Министерството за правда и Управата за извршување на санкции, затвореничките ги добија истите погодности како и машките затвореници.
Ново на Сител
-
Пожар на ридот меѓу Горно Коњари и Миладиновци
-
Земјотрес со јачина од 3,4 степени во близина на Охрид
-
Патриоти за Европа нова група во ЕП или само ново име за десничарската Идентитет и демократија
-
Папата на католичка конвенција во Трст: Демократијата во денешниот свет не е во многу добра состојба
-
Илјадници Израелци денеска протестираа на автопатот меѓу Ерусалим и Тел Авив, блокирајќи крстосници и палејќи гуми
-
Следува период на многу топло време, температурата до 40 степени
-
Грчката фрегата во Аденскиот залив интервенирала и соборила дронови
-
Русија тврди дека уништила два лансири за ракети „Патриот“ во регионот на Одеса