Со „Македонија вработува“ во Крива Паланка досега вработени 40 лица
Според податоците од Центарот на Агенцијата за вработување во Крива Паланка, со мерките од проектот за вработување на Владата на Република Македонија „Макеоднија вработува“ досега во Крива Паланка се вработени 40 лица.
- Има компании кои вработиле по едно лице со некоја од мерките, а други вработиле по две и повеќе лица. Најмногу лица има вработено компанија од областа на дрвната индустрија и тоа вработила 8 лица, сите на возраст над 58 години, изјави Грозде Георгиевски, раководител на Центарот на Агенцијата за вработување во Крива Паланка.
Георгиевски нагласи дека заинтересираноста на компаниите од Крива Паланка за вработување лица со овој проект расте.
- Секојдневно вршиме посета на фирмите од Крива Паланка и соседната општина Ранковце каде ги презентираме сиет активни мерки од „Македонија вработува“ и забележуваме интерес од страна на сопствениците за искористување на истите, особено за вработување лица до 35 години, рече Георгиевски.
На територијата на општина Крива Паланка и Ранковце во Централниот регистар на РМ има регистрирано вкупно 285 приватни компании.
Проектот „Македонија вработува“ опфаќа пет групи на невработени лица: лица до 35 години, лица од 35 до 50 години, над 50-годишна возраст, невработени кои се родители на три или повеќе деца, самохрани родители и членови на еднородителско семејство и лица над 58 години, највозрасните работоспособни лица.
Услов за вработување со овој проект е лицето да биде евидентирано во АВРМ како активен барател на работа само еден ден.
Ново на Сител
-
Ристовски: Во министерството донесовме одлука да го прогласиме ракометот за спорт број 1
-
Поевтинуваат бензините и дизелот
-
Мицкоски има доверба во Изет Меџити, на ДУИ им порача да достават докази
-
Мицкоски: Владата ќе ја отпочне постапката за разрешување на јавниот обвинител
-
Затворен уште еден институт со одлука на МОН, министерката Јаневска вели ќе има уште неколку
-
Судир меѓу полиција и граѓаните во Нови Сад
-
Некои од најбучните раси кучиња
-
Ѓорги Начевски: И јас сум критичар на странски играчи, но мора да сме реални, тие ни се неопходни
