Собрани потписите за иницијативата за референдум за рудникот Иловица
Граѓанската иницијатива „Спас за струмичката котлина - Стоп за рудникот Иловица“ ги собра потребните сто потписи за валидизација на иницијативата за распуишување референдум. Членовите на иницијативата ги доставија собраните потписи, кои полнолетните жители на Босилово и Ново Село ги депонираа во канцеларијата на Државната изборна комисија во Струмица, во општинките служби.
- Имавме собрано по 115 потписи за Босилово и за Ново Село. Ги однесовме кај локалните власти каде што одржавме многу важни конструктивни состаноци со градоначалниците, претседателите на советите, како и претставници на Општинската изборна комисија. Имаме увид во ситуацијата и препознавме позитивен пристап и слух зa барањата на граѓаните од страна на локалната власт. Се договоривме во иднина да соработуваме и да имаме конкретни чекори, вели Ѓорги Танушев од иницијативата.
Општина Босилово веќе на 20 јули ќе одржи седница на Советот, а постапките ќе одат по скратени рокови, појасни градоначалникот Љупчо Колев.
- Им предочивме на претставниците на граѓанската иницијатива, дека можни датуми за одржување на референдум на кој треба да се изјаснат дали се за или против изградба на рудникот Иловица, се 3, 10 или 17 септември. Со оглед на законските рокови и решенија, дека референдумот треба да се одржи најмалку 25, а најмногу 45 дена од стапување на сила на правосилноста на одлуката на советот за распишување. Со оглед на нашиот став, граѓаните да го кажат својот последен збор, ние ќе одиме по скратени рокови, рече градоначалникот Колев.
Ново на Сител
-
ВМРО-ДПМНЕ на седници на Извршниот и Централниот комитет ги утврдува предлозите за министри од својата партија
-
Тема на денот со воениот аналитичар Милан Стефаноски
-
Наместо во подземни контејнери штипјани сметот го одлагаат врз нив
-
ВМРО-ДПМНЕ на седници на Извршниот и Централниот комитет ги утврдува предлозите за министри од својата партија
-
Силјановска Давкова: Војната во Украина не е украински, туку европски и светски проблем
-
Ново поскапување на лебот ако се зголеми цената на струјата
-
Дали само итни пациенти се снимале на Институтот за радиологија поради технички проблем во петокот?
-
Детектор: Интернетот и социјалните мрежи штетно влијаат врз децата