Собранието ги донесе измените на Законот за медиуми и Законот за игри на среќа
Собранието на Република Северна Македонија денеска на продолжението на 145 и 148 седница ги донесе измените на Законот за медиуми и Законот за игри на среќа и забавни игри.
Во рамки на 148 седница, пратениците го изгласаа и Предлог-законот за дополнување на Законот за научно-истражувачка дејност.
Претходно, на 140-та, 138-та и 135-та седница кои, исто така, се одржаа денеска, беа донесени повеќе закони меѓу кои Законот за гаранција на Република Северна Македонија на обврските по Договорот за заем за финансирање на Проектот за регионална гасификација, кој ќе се склучи меѓу Акционерското друштво за вршење на енергетска дејност пренос на природен гас НОМАГАС Скопје во државна сопственост и Европската банка за обнова и развој, законите за рибарство и аквакултура и за платежни услуги и патни системи.
Во прво читање ги донесоа законите за помилување, за измените и дополнувањата на Законот за народниот правобранител, а изгласани беа и Финансискиот план за 2024 година на Регулаторната комисија за енергетика, водни услуги и услуги за управување со комунален отпад на Република Северна Македонија и Одлуката за утврдување на процентот на зафаќање од вкупниот годишен приход, за финансирање на работењето на Регулаторната комисија за енергетика, водни услуги и услуги за управување со комунален отпад на Република Северна Македонија за 2024 година.
Ново на Сител
-
Мицкоски: Оваа генерација има обврска да ги исправи грешките и да создаде иднина за сите наредни
-
ЦУК: Активни три пожари, под контрола четири, изгаснати 31
-
Украина и Русија меѓусебно се обвинија за воздушни напади во текот на ноќта на граничните области
-
Петмина затвореници побегнаа од строго чуван затвор во Португалија
-
Граничниот премин Калово меѓу Македонија и Србија денеска ќе биде отворен до 22 часот
-
Честитка од претседателот на СПМ Љупчо Димовски по повод 8 Септември
-
Честитка од министерот Мисајловски по повод Денот на независноста
-
Честитка од Сиљановска Давкова по повод 8 Септември