Собранието на 23 февруари отворено за граѓаните

Наредниот петок, на 23 февруари, Собранието на Република Македонија ќе биде отворено за посета од страна на граѓаните.

Тоа, како што посочуваат од собраниската прес-служба, претставува можност посетителите да ја разгледаат внатрешноста на зградата како значајно историско обележје на македонската државност и да добијат одговор на нивните прашања.

Собранието на Република Македонија е отворено за посета секој последен петок во месецот, а заинтересираните граѓани потребно е да се пријават на телефон 02/3182-227 или на е-маил s.stamenkovska@sobranie.mk, најдоцна пет работни дена пред посетата.