Собранието в понеделник ќе ја продолжи 12. седница
Денешната 12-та собраниска седница помина со реплики и контрареплики, паузи и продолженија по измените на Законот за медицински студии и континуираното стручно усовршување на докторите на медицина.
Пратениците од опозицијата смета дека со укинувањето на одредбата, со која се уредуваат условите и постапките на вршење на професијата доктор на медицина, Република Македонија се оддалечува од стандардите на ЕУ за високото медицинско образование.
Според владејачкото мнозинство пак со измените на Законот се подобрува здравствениот систем. Тие сметаа дека студиската наставна програма треба да ја вршат високо образовните установи.
По паузата, која беше дадена попладнево во продолжението по 20 часот процедурални забелешки имаа Антонио Милошоски од ВМРО-ДПМНЕ и Томислав Тунтев од СДСМ. Тие побараа од пратениците да работат конструктивно и без меѓусебни лични навреди.
Милошоски од име на докторката Аспазија Софијанова и од име на колеги-пратеници кои, како што рече, биле лично засегнати или навредени без причина, замоли било кој од пратеничката група на СДСМ или од владејачкото мнозинство да се оградат од тоа и да понудат извинување. За, како што посочи, да можеме и денес, утре и кога и да е во името на колегијалноста да продолжиме со работа.
- Ако ние пратениците си го подриваме угледот и се навредуваме и клеветиме, тогаш не само што немаме услови за работа тука, туку тоа ќе се одразува на односот на нашите политички следбеници во нивната меѓусебна комуникација, истакна Милошоски.
Според Тунтев доколку како пратеници не се потрудат да го држат дигнитетот на функцијата - пратеник, тогаш не може да очекуваат тоа да го прави никој во Република Македонија.
Тој апелираше до пратениците емоциите да ги остават настрана. - Овде сме дојдени да работиме. Ова сега ни е времен струка, но професија со која се занимаваме и за која професионално сме ангажирани, рече Тунтев.
Во контекст на тоа додаде дека за разлика од другите професии, народот во Македонија ним како пратеници им укажал доверба да ги застапуваат нивните интереси.
- Ако ова мое обарќање може да го прифатите како одговор, како еден начин за да се искаже нашата волја, севкупна и од парламентарното мноизнство и од опозицијата, да продолжиме да бидеме конструктивни и пред се луѓе. Крајно време е да продолжиме да работиме во интерес на граѓаните на Република Македонија, нагласи Тунтев.
Претседателот на Собранието Талат Џафери откако заврши претресот по ова точка и поради тоа што немаше доволен број пратеници за да се гласа, ја прекина седницата, а продолжението го закажа за во понеделник, на 18 септември.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп