Соломон Паси: Макрон го турка Балканот кон Русија, Турција и Иран
Одлагањето на почетокот на преговори за членство во ЕУ на Северна Македонија и Албанија, не е во интерес на Бугарија, оцени поранешниот бугарски министер за надворешни работи Соломон Паси, потенцирајќи дека стартот на преговарачкиот процес со двете земји „се одложува по трет пат“.
– По ветото на францускиот претседател (Емануел) Макрон, неговиот (руски) колега Владимир Путин сигурно нарачал чаша шампањ. Кон кого ги туркаме Македонија и Албанија? Дали ги туркаме во рацете на Русија, Турција, Иран? Само сетете се што се направи претседателот Путин за да ја спречи Македонија на нејзиниот пат кон НАТО, изјави Паси.
Како што јави БГНЕС, според поранешниот шеф на бугарската дипломатија, сега се прават сериозни напори Србија да остане во сферата на руско влијание.
– Што можеме да сториме со Макрон и со неговата ирационална одлука? Мислам дека министерката за надворешни работи (на Бугарија), Екатерина Захариева може да го убеди и тој да го промени мислењето, смета Паси.
Според него, Бугарија нема никаков интерес Северна Македонија, Албанија, Босна и Херцеговина и Косово „да се вратат назад“.
– Албанија и Северна Македонија еден ден ќе станат членки на Европската Унија, но прашање е со која брзина ќе се случи тоа, додаде Паси.
Ново на Сител
-
Малолетник со автомобил удрил во мотоциклист во Велес
-
Валтонен: Веднаш ќе почнат активностите за 15. пакет санкции против Русија
-
Двајца прилепчани приведени за кражба од викендица и фалсификувани банкноти
-
ЈО: Со спогодбите во „Синџир“ вратени безмалку 1.000.000 евра во државниот буџет
-
Изменет сообраќаен режим на булевар „Србија“ поради снимање филм
-
Во италијанскиот град Месина уапсени се 112 лица поради трговија со дрога
-
Подигнати 60 тони отпад од диви депонии во Скопје за време на викендот
-
Се санираат последиците од невремето во Тетово и Скопје, бројни пријави за претпрена материјална штета