Сообраќајна несреќа во Кочани - Мотоциклист пренесен на Клинички

Вчера во 18:00 часот во Кочани, на крстосницата од ул. „С.Ербапче“ и ул.„М.Епископија“, се случила сообраќајна незгода помеѓу мотоцикл „Хонда“ без регистарски ознаки, управуван од Д.С. (18) од Кочани и автомобил „Рено Меган“ со штипски регистарски ознаки, управувано од Д.Л. (36) од Кочани. Во незгодата со тешки телесни повреди се здобиле возачот и сопатникот на мотоциклот С.М. (18) од Кочани. По укажаната лекарска помош во Медицински центар Кочани Д.С. бил препратен во Клинички центар Штип, а С.М. е задржан на понатамошно лекување. Увид на местото на настанот извршила увидна екипа од ПС Кочани.