Сообраќајот по влажни коловози, слаб снег на повеќе патни правци

Сообраќајот на патиштата низ државата се одвива по влажни коловози, а остатоци од кашест снег има на коловозите. 

Јавното претпријатие „Македонија пат“ попладнево информира дека врнежи од слаб снег има во Тетово, Попова Шапка, Гостивар, Стража, Маврово, Ресен, Македонски Брод, Ѓавато, Плетвар, Штип, Павлешенци, Неготино, Демир Капија, Удово и Кула, а слаб дожд врне во Сарамзалино, Кочани, Велес и Гевгелија.

Од ЈП „Македонија пат“ истакнуваат дека нивни екипи се постојано на терен и ги одржуваат сите патни правци проодни. Се апелира возачите внимателно да возат и да ја прилагодат брзината кон условите на патот.