Соперниците на Блумберг го обвинуваат дека сака да го купи гласањето на изборите
На помалку од една недела пред првичните избори во американската сојузна држава Невада, дел од демократските кандидати за претседател критиките ги фокусираа врз својот соперник Мајкл Блумберг, кој дури нема ни да учествува во гласањето во оваа држава, пренесоа американските медиуми.
Берни Сандерс, Џо Бајден, Ејми Клобучар и Пит Бутиџиџ го обвинија милијардерот Блумберг дека се обидува со парите што ги поседува да си го истрасира патот до победа на партиските избори, пренесоа агенциите.
-Си замислува дека може да ги купи овие избори. Е, имам вест за господинот Блумберг: на Американците преку глава им е од милијардери кои ги купуваат изборите, изјави Сандерс на митинг во Карсон сити, во државата Невада.
Блумберг одлучи да не учествува во првичните избори на демократите во првите неколку држави и место тоа се фокусираше на 14-те држави кои гласаат на „Супер вторникот“, закажан за околу две недели.
Тој досега потрошил 417 милиони долари сопствени средства за реклами на национално ниво, досега незабележена висока сума за кандидат во првичните избори.
Во интервју за Си-Би-Ес, Ејми Клобучар, пак, го обвини Блумберг дека избегнува тешки прашања, а етерот го преплавува со реклами и избегнува да учестува во дебатите или на неудобните телевизиски интервјуа
-Мислам дека тој треба да учествува во телевизиските интервјуа и дека е редно да учествува во дебатите. Никогаш нема да го тепаме во етерот ( со реклами), но можам да го победам на сцената на дебатите, рече таа.
Во интервју за Ен-Би-Си, Џо Бајден ја критикуваше поддршката на Блумберг за произволните претреси на црнците и неговите коментари дека одбивањето на банките да им доделат кредити на црнците придонело за финансиската криза.
Бутиџиџ го спореди Блумберг со Трамп на прашање за информациите за сексистички коментари на Блумберг кон жените и тврдењата дека ја поддржал култура на сексизам во својата компанија.
-Сега е време кога избирачите бараат претседател кој може да не изведе од дното, кога беше вообичаено или прифатено да има такви сексистички или дискриминациски коментари. Сега имаме можност да направиме нешто поразлично, рече Бутиџиџ.
Ново на Сител
-
Си пред посетата на Србија го критикуваше НАТО за бомбардирањето на Белград во 1999 година
-
ЕУ одобри шест милијарди евра за Балканот, Рама: Историски момент, кој внесува нов импулс во процесот на проширување
-
Девизните резерви во април зголемени за 41,9 милиони евра
-
Анонимна пријава за случаи со поткуп од политичка партија во Кичево
-
Во Делчево денеска гласаат 222 болни и изнемоштени лица за претседателските и парламентарните избори
-
Советот на ЕУ го усвои првиот закон за борба против насилство врз жените
-
И во Шпанија студентите подготвуваат протести против Израел
-
Претреси во Охрид поради фотографирање избирачки список и гласачки ливчиња