-->
-->
Сосиедад ја врати неизвесноста во Примера
-->
Фудбалерите на Реал Сосиедад ја вратија неизвесноста во борбата за титулата во Примера, откако во 32. коло ја совладаа Барселона со 1:0. Барса на шест кола до крајот на шампионатот има три бода повеќе од Атлетико и четири од Реал, кои претходно забележаа победи во дуелите со Еспањол, односно Еибар.
Барселона на последните три гостувања забележа истото толку порази на „Аноета“, а на овој стадион нема победа веќе девет години. Исто така, каталонскиот тим на последните три натпревара во Примера има освоено само еден бод.
Тренерот на Барселона Луис Енрике комбинираше со составот, Иниеста, Ракитиќ и Алба останаа на клупата, а Суарез воопшто не беше во тимот. Барса ја контролираше играта, но голманот на Сосиедад Рули ги одбрани обидите на Арда Туран, Иниеста, Нејмер и Меси.
Решавачкиот момент на мечот се случи во петтата минута кога Ојарсабал, постигна преубав гол со глава.
Реал за 40.минути го реши победникот на мечот со Еибар. Зинедин Зидан комбинираше со составот Реал и лесно го реши баскискиот тим. Хамес Родригез ја отвори серијата, а ја продолжија Лукас, Роналдо и Хесе.
Кристијано Роналдо на овој меч испиша историја во шпанскиот фудбал, откако и во шестата сезона постигнува најмалку 30 голови во првенството.
Атлетико гостуваше во Барселона и со пресврт славеше над Еспањол. Пресвртот го режираше Коке, кој им асистираше на Фернандо Торес и Гризман, а потоа и сам постигна гол. Во поразот 1:3 единствен стрелец за Еспањол беше Диоп.
-->
-->
-->
Ново на Сител
-
173 санкции за брзо возење
-
Силјановска Давкова ќе се сретне со со евроамбасадорот Гир и италијанскиот амбасадор Силвестри
-
ЦУК: Забрана за движење кај стрелиштето „Леково“, пожари во Кавадарци и Велес
-
Путин во посета на Кина на 16 и 17 мај
-
Синдикатот на просветни работници во Србија в четврток ја прекинува работата во сите училиштата поради загрозена безбедност
-
Герапетритис: Бараме усогласување со Договорот од Преспа, не е прашање на самоопределување, туку почитување на договореното
-
Неексплодирана рачна бомба пронајдена на улица во Демир Капија
-
Четиринаесет жртви во бомбардирањето на станбена зграда во близина на бегалскиот камп Нусејрат