Советот на Европа ја критикува Турција за одземањето на имунитетот на пратениците
Турција треба да им го врати судскиот имунитет на пратениците, во извештај денеска посочи комисија на Советот на Европа, пренесе ДПА.
Комисијата го критикуваше процесот на одземање на имунитетот на пратениците и упати предупредување дека земјата има проблем со заштитата на слободата на говор.
Сегашната ситуација во турскиот судски систем тоа го прави најлош можен момент за укинување на имунитетот, се наведува во извештајот на Европската комисија за демократија преку право.
По спречениот обид за преврат од 15 јули, па дури и пред тоа Турција спроведува чистки против обвинители и судии, обвинети за врски со исламскиот проповедник Фетула Ѓулен. Анкара го обвинува Ѓулен за организирање на обидот за преврат, што проповедникот го демантира.
Турскиот Парламент, во кој мнозинството го има владеачката Партија на правдата и развојот на претседателот Реџеп Тајип Ердоган, во мај гласаше за одземање на имунитетот на повеќе од 135 пратеници.
Мерката на крајот зафати 55 од вкупно 59 пратеници од прокурдската Демократска партија на народите. Оттогаш лидерите на ДПН се исправени пред судски прогон, што може да доведе до нивно затворање на подолго време.
Мерката беше донесена преку измени на Уставот, што, според извештајот на комисијата „го нарушува принципот на еднаквост“.
Во извештајот се изразува ставот за поддршка на засилување на неприкосновеноста на пратениците со цел да им се гарантира поголема слобода на говорот.
Ново на Сител
-
ЦУК: Десет пожари на отворено од коишто еден е се уште активен
-
18-годишна девојка пријавила дека ја тепал вонбрачниот сопруг
-
Агелер: Нема одново преговори ниту за Преспа, ни со Бугарија за ЕУ
-
МОН: Од утре ќе се исплаќа неисплатената финансиска поддршка за основци и средношколци
-
СДСМ избира нов лидер на партијата
-
Македонците во Албанија не ги признаваат резултатите од пописот, МНР ќе го повика амбасадорот Марковски на консултации
-
Нема кој да ги управува „Ер тракторите“ на Дирекцијата за заштита и спасување
-
Хамас: Нема напредок во преговорите со Израел, САД ни вршат притисок