Спасовски - Мектиќ: Македонија и Бих да потпишат договор за патување со лични карти
Министерот за внатрешни работи на Македонија Оливер Спасовски и министерот за безбедност на Босна и Херцеговина Драган Мектиќ на денешната средба во Сараево, разговарале за можноста за потпишување договор помеѓу Република Македонија и Босна и Херцеговина за патување со лични карти за граѓаните.
- Министрите исто така ја потврдија и подготвеноста на двете страни за потпишување на договор за взаемно признавање на возачките дозволи кое е договорено за средината на септември годинава, кога ќе се реализира наредната посета на министерот Спасовски на Босна и Херцеговина, се наведува во соопштението од македонското МВР.
Министерот Спасовски е дел од владината делегација предводена од премиерот Зоран Заев, која е во посета на Сараево.
Како што соопшти МВР, министрите ја истакнале успешната и континуирана соработка во областа на внатрешните работи на двете земји, како и потребата од развивање на регионална соработка на полето на организираниот криминал.
Ново на Сител
-
Државата им плаќа да студираат на престижни универзитети, ама не го користи нивниот потенцијал
-
ЕУ очекува уставни измени и почитување на Преспанскиот договор од новата Влада
-
Ибраимовски демантира дека им се заканувал по живот на уставните судии
-
Камбовски: Распуштање на Судски не е опција
-
Преглед на вестите од светот
-
На секоја втора фирма во Македонија и се барало мито
-
Граѓаните не се доволно вклучени во процесот на носење одлуки
-
Не запираат дивоградбите во Охрид