Спасовски: Се преземаат сите мерки во врска со инцидентот на навивачите во Тетово
МВР ги презема сите потребни мерки во врска со вчерашниот инцидент со навивачите во Тетово, изјави денеска министерот за внатрешни работи Оливер Спасовски.
-За навивачите кои скандираа националистички пораки во Тетово, во рамки на СВР-Тетово се преземаат мерки и во делот на едната или другата група. Денеска дадовме посебна задача во делот на превенцијата за да работиме со двете навивачки групи. Не смееме да дозволиме нивните конфликти, кои изобилуваат со таков говор на омраза да бидат секојдневие во Република Македонија.
На социјалните мрежи вчера беа споделувани видеа на кои се слушаат песни и извици од припадници на навивачката група „Балисти“, каде е забележан говор на омраза и повикување на насилство, по што следело и фрлање со камења и шишиња врз кафуле полно со гости.
Претходниот ден пак, низ улиците на Тетово минале припадници на навивачката група „Војводи, кои славеле 30 години и кои исто така користеле навредливи зборови за време на нивното движење низ улиците.
Хелсиншкиот комитет за човекови права на Република Македонија денеска исто така најостро го осуди вчерашниот инцидент во Тетово.
Ново на Сител
-
Турција ја одложи забраната за трговија со Израел
-
Гостиварчанец измамен за 1.500 евра - сторителот е приведен
-
Скопјанка прскала со вода по луѓе кои правеле врева - ја нападнале со лименки
-
СЗО: Преминот Рафа блокиран, нема гориво и медицински материјали
-
Аглер со честитка до Силјановска Давкова: Историски избор на прва жена претседател на Северна Македонија
-
И најмладиот син на Трамп влегува во политика
-
Загина 62-годишен маж од Неготино откако се преврте со трактор
-
Обид за убиство во гостиварско