Средба Димитриев - Борисов во Рига: Заложба за подлабока економска соработка на Македонија и Бугарија
Претседателот на Владата на Република Македонија за спроведување на избори, Емил Димитриев, утринава во Рига оствари средба со својот бугарски колега Бојко Борисов, јави дописникот на МИА од летонската престолнина.
Средбата со бугарскиот премиер, според кабинетот на премиерот Димитриев е оценета како конструктивна.
Двете страни се обврзале да придонесат со заедничка заложба за унапредување на економската соработка, трговската размена и реализација на инфраструктурни проекти што се од значење за двете држави, со акцент на изградба на железничката и патна инфраструктура на коридорот осум.
Истакната е значајноста и потребата од членство на Република Македонија во НАТО и почеток на пристапни преговори за македонско членство во Европската унија. Од двете страни била нагласена одлучноста за натамошно продлабочување на добрососедските односи.
Премиерите се согласиле дека тежиштето мора да биде ставено на големиот потенцијал за размена во области што се од најголемо значење на граѓаните на двете земји, како економијата, туризмот и културата. Заедничка намера е добрите практики на соработка, преку академиите за науки да се пресликаат и во другите области на соработка.
На средбата, според кабинетот на македонскиот премиер, станало збор и за менаџирање на ефектите од мигрантската криза што ја погоди Европа, но и посебно Македонија и Бугарија кои се најдоа на главниот пат на мигрантите.
Оваа средба се одржа пред почетокот на Петтиот состанока на 16 европски земји од Средна и Источна Европа со Народна Република Кина во Рига.
Популарно од Македонија
Ново на Сител
-
ФТ: ЕУ се подготвува да ги погоди големите технолошки компании како одмазда за тарифите на Доналд Трамп
-
Мајк Џејмс стана првиот член на „клубот 5.000“ на Евролигата
-
УЕФА ја казни Рома и делумно го затвори стадионот Олимпико
-
Трамп потпиша извршна наредба за забрана на трансродови лица да учествуваат во женски спортови
-
Панама негира дека ги прилагодува таксите за премин низ Каналот за американски бродови
-
Мицкоски и Перински на средба со новинари за теренските посети на општините „Каде срцето е дома“
-
Судски совет ќе формира комисија која треба да утврди дали имало пропуст во претходните судски постапки на обвинетиот Васил Јованов
-
Ведро и студено утро, преку ден сончево и ветровито
