Средба на директорите на ФЗОМ со претседателот на Здружението „Раст“
Директорите на Фондот за здравствено осигурување на Македонија, Сашо Стефаноски и Орхан Рамадани денеска се сретнаа со претседателот на на Здружението на родители на деца со ендокринолошки заболувања „Раст“, Александар Петровски.
Од ФЗОМ соопштија дека на средбата станало збор за можноста за унапредување на здравствената состојба на оваа група пациенти, соработката со другите релевантни институции, состојбата и статусот на набавување на хормонот за раст како и неговата дистрибуција.
Петровски информирал кои се најновите активности кои Здружението ги презема и кои настани планира да ги реализира во иднина. Се заблагодарил за поддршката на Фондот, која резултирала со обезбедување средства за соодветната терапија на овие деца, преку наменскиот, односно условниот буџет, за таргетирано лекување на овие деца на Детската клиника.
Појаснил дека од формирањето на Здружението „Раст“ во 2007 година, добиваат максимална и беспрекорна поддршка од Фондот за здравствено осигурување на Македонија и тоа им е една од најголемите мотивации во нивните напори, бидејќи сите деца имаат право да растат здраво.
Раната детекција е исклучително важна, бидејќи растот не е само сантиметри, растот е показател на целокупното здравје. Токму затоа е важно сите релевантни чинители и од здравствениот, но и образовниот и од сите други сегменти во општеството да бидат свесни за потребата од раното препознавање на нарушувањето на растот, стои во соопштението од ФЗОМ.
Ново на Сител
-
Албанија: Потврдена пресудата за Фреди Белери, со тоа го губи градоначалничкиот мандат
-
Украина се надева дека ќе биде подготвена за влез во ЕУ до 2030 година
-
Курти со честитка до Мицкоски: Не сме само соседи, туку и сојузници и блиски партнери
-
Скопјанец осомничен за тешка кражба на дрзок начин
-
Жител на Пробиштип неовластено подигнал туѓи средства од банкомат
-
Кривична пријава против двајца жители на Кочани кои копале злато во делчевско
-
Отворена истрага за тешка телесна повреда со смртни последици во затворот Идризово
-
Чибишев нов директор на Токсикологија, Меџити на Неврологија, утре нов директор ќе има и Онкологија