Средба на министерот Лутфиу со косовскиот министер за образование Бајрами

Министерот за образование и наука Пиштар Лутфиу попладнево во МОН имаше средба со министерот за образование, наука и технологија на Косово Арсим Бајрами.

- Со министерот и професор Бајрами веќе се знаеме и го известив за работата на Универзитетот „Мајка Тереза“. Исто така, одлучивме од наредната недела да отвориме грант за соработка меѓу универзитетите кој од нашите две држави ќе биде отворен на 10 октомври. За грантот ќе може да аплицираат високообразовните институции, а исто така и невладините сектори кои се однесуваат на високото образование, преку организирање конференции итн., изјави Лутфиу по средбата.

Додаде дека од косовскиот министер Бајрами има поддршка за новиот универзитет „Мајка Тереза“ кој, како што најави во петокот, се очекува да проработи во средината на месецов.

- Знаејќи дека Приштина има добро искуство во техничките и технолошките науки, ние ја очекуваме поддршката од Косово, што значи дека косовските професори може да се ангажираат и да помагаат на почетокот на новиот универзитет, рече министерот за образование и наука.