Средба на Шекеринска со бригадниот генерал во НАТО Маријан Јелениевски
Министерката за одбрана Радмила Шекеринска денеска се сретна со воена делегација од НАТО предводена од бригадниот генерал Маријан Јелениевски, заменик директор на секторот за безбедносна соработка на НАТО.
Како што информираат од Министерството за одбрана целта на посетата на воената делегација е да се иницира продлабочена соработка меѓу НАТО и Армијата на Република Македонија.
Според Генералот Јелениевски засилената политичка активност на Република Македонија кон НАТО треба да се поддржи со поблиска воена соработка, и понудил три предлози за зголемување на воената соработка помеѓу воената структура на НАТО и Армијата на Република Македонија.
- Штабни разговори на експертско ниво еднаш годишно. Експерти од НАТО и АРМ да разговараат за прашања од заеднички интерес. Редовен годишен состанок на Воениот комитет на НАТО со АРМ. Подобра репрезентација на АРМ во НАТО структурите преку упатување на национален воен претставник на Република Македонија во Сојузната команда на НАТО (SHAPE) и пополнување на позиции за партнерски штабни офицери во воените команди на НАТО, се предлозите на Јелениевски.
Министерката Шекеринска истакнала дека Министерството за одбрана и Владата даваат не само поддршка, туку и силен поттик на предлозите за подобра воена соработка. Изразила јасна поддршка за директна комуникација меѓу АРМ и воениот сегмент на НАТО, како и за идејата за одржување на годишни состаноци меѓу Воениот комитет на НАТО и АРМ.
-Верувам дека без соработка на МО и АРМ нема да има прогрес, а поблиската соработка на НАТО и АРМ може да биде само од корист и за членството на Македонија во НАТО и за подобрување на статусот на Армијата, порачала Шекеринска.
Ново на Сител
-
Флорида прогласи вонредна состојба во 35 окрузи поради заканата од тропската бура Милтон
-
Стармер изрази загриженост поради „одвратната омраза“ кон Евреите и муслиманите од 7 октомври 2023
-
Попко: Украинската ПВО одби нов напад на руските дронови врз Киев
-
Димитриеска-Кочоска: Ги консолидиравме и стабилизиравме јавните финансии, потврда добивме и од „Фич“
-
ЦУК: По обилните врнежи, водата во Гостивар не е безбедна за пиење
-
Во БиХ денеска се одржуваат локални избори, освен во пет општини на ФБиХ поради поплавите
-
Изменет сообраќаен режим во Скопје
-
Литургија во соборниот храм ,,Св. Климент Охридски” по повод 25 годишнината од востоличувањето на г.г. Стефан