Средба на вицепремиерот Бесими со белгиската амбасадорка Ван Калстер

Активностите кои се преземаат за спроведување на клучните реформи од европската агенда со посебен фокус на делот на независноста на судството, изборните реформи, добрососедските односи, слободата на изразување и медиумите и имплементацијата на Охридскиот рамковен договор, како и исполнувањето на обврските од политичкиот договор, беа тема на разговор на денешната средба меѓу вицепремиерот за европски прашања Фатмир Бесими и Аник Ван Калстер, амбасадорката на Кралството Белгија  со седиште во Софија.

На средбата, информираат од СЕП, вицепремиерот Бесими се заблагодарил за поддршката што Република Македонија ја добива од страна на Белгија во процесот за евроатлантска интеграција на нашата земја и регионот.

На крајот на средбата е истакнато дека соработката во сите области од взаемен интерес со фокус на билатералните односи ќе продолжи со поголем интензитет.