Средби меѓу полицијата и жителите на Форино, Чегране и Чајле
Претставници на месните заедници од три гостиварски села Чегране, Форино и Чајле и полицијата, викендов имале средби на кои биле дискутирани заштитата од провални кражби и пукањето на свадбени и други семејни веселби.
Во рамките на проектот „Превенција од тешки кражби", и други планирани активности од областа на јавниот ред и мир на СВР Тетово, полициски службеници одблизу ги запознале претставниците на трите месни заедници и граѓаните како да се заштитат од провални кражби во нивните куќи и како да постапат доколку забележат движење на сомнителни лица, особено во вечерните часови.
- На средбите станало збор и за претстојното доаѓање на времено вработените во странство и организирањето на свадбени и други семејни свечености. Во разговорите е нагласена и потребата да им се укаже на организаторите на вакви свечености поединци да се воздржат од пукање со огнено оружје и од неовластено приредување на огномети, кое претставува законски прекршок, но и кривично дело, зависно од околностите и крајните последици, вели портпаролот на СВР Тетово, Марјан Јосифоски.
Тој потенцира дека вакви состаноци со раководствата на урбаните и месни заедници од тетовско-гостиварското подрачје, се предвидени и во наредните денови, а нивната цел е да спречат можни несакани појави и проблеми од безбедносна природа и карактер.
Ново на Сител
-
Штипскиот Економски факултет го одбележа денот на македонскиот денар
-
Националното биро за осигурување: Цената на авто осигурувањето е непроменета од 2008 година, реално е покачувањето
-
Се одржа Меѓународниот натпревар за сирени во Шангај | ВИДЕО
-
ВИ: „Мона Лиза“ рапува
-
УКИМ донесе Одлука за основање Фондација „Горан Стефановски“
-
Кари ја освои наградата „Џери Вест“
-
Денвер трет пат го совлада ЛА Лејкерс
-
Први мај и вторитот ден на Велигден неработни за сите граѓани, а Велики петок за граѓаните од православна вероисповест