Средношколци од Кавадарци и тим на проект од УСАИД ќе садат чемпреси
Тим на проектот на УСАИД за адаптација на земјоделството кон климатските промени денеска ќе се се сретнат со ученици во Средното општинско земјоделско шумарско училиште „Ѓорче Петров” во Кавадарци,кои заедно ќе садат чемпреси како заштитен појас во близина на Тиквешкото Езеро.
Поставувањето заштитен појас од ерозија е една од мерките за прилагодување кон климатските промени што ги промовира проектот. . Преку организирање на оваа теренска активност, проектот на УСАИД се стреми да ја подигне свеста кај младите чинители во земјоделскиот сектор за негативното влијание на климатските промени врз ерозијата на почва и да ги научи како да ја намалат ерозијата во услови на наклонет терен преку поставување зони со трајна вегетација за заштита од ерозија. Ваквата мерка го намалува површинското оттекување, го филтрира седиментот кој се наоѓа во оттечните води, а на тој начин ги задржува и хемикалиите кои се наоѓаат во седиментот.
Проектот на УСАИД за адаптација на земјоделството кон климатските промени, започна да се спроведува во април 2012, од страна на Мрежата за рурален развој на РМ. Целта на проектот е да им помогне на земјоделците да го зачуваат нивото на приход преку намалување на штетите предизвикани од промените во животната средина.
Проектните активности се фокусирани во медитеранската зона, вклучувајќи го Вардарскиот регион со делови од Струмичко и Гевгелиско – земјоделско богати области коишто се под најголемо влијание од климатските промени.
Ново на Сител
-
Истражување: Под површината на Марс има вода што би наполнила океан
-
Во Бугарија запленети 436 килограми хероин
-
Еден загинат и еден повреден во судар на автобус и автомобил - Страшна несреќа кај Блаце
-
Без струја дел од Карпош, Ѓорче Петров и Арачиново, а без вода дел од Центар
-
Собранието ќе ја одржи 12-тата седница
-
Дваесет и три години Охридски рамковен договор - годинава со две паралелни одбележувања
-
Донесен ребалансот - Oбезбедени средства за пензии и плати, за студентите и земјоделците
-
Промовирање офицери и подофицери на Воената академија