Српски агенти загинаа во страотна сообраќајка
Во страотна сообраќајна несреќа на патот Појате - Крушевац кај Читлук во судар на патничко возило и камион на самото место загинале три лица, а едно лице се здобило со тешки телесни повреди опасни по живот.
До незгодата дошло кога патничко возило со београдска регистрација, од непознати причини поминала на сообраќајната лента во спротивна насока и се судрила директно со товарното возило. Загинале вработените во БИА (Безбедносно информативната агенција) Горица Јовиќ (1973), Драган Скробоња (1974) и Душан Милисављевиќ (1970) а тешко повредена е нивната колешка, 34-годишната Ј.И. Таа со тешки повреди е префрлена во ургентниот центар во Белград, додека возачот на камионот е полесно повреден, дознава српски Курир.
Во „пуното“ биле четворицата агенти на БИА кои не биле на службена задача туку приватно патувале кон Александровац. Автомобилот бил сопственост на настраданата Горица Јовиќ и најверојатно таа управувала со возилото.
Возилото било целосно сплескано, но пожарникарите ги извлекувале настрадените.
-Глетката беше ужасна! Деловите од автомобилот беа расфрлани по патот. Во „пунтото“ се наоѓаа три жени и еден маж. Две од нив и мажот загинаа на самото место. Преживеа сопатничката која беспомошно ги повикуваше своите пријатели и не престануваше да плаче, вели очевидец.
Возачот на шлеперот, 22-годишниот С.Т. е полесно повреден.
Ново на Сител
-
Малолетник претепан од три лица во Гази Баба
-
Малолетници фрлиле во височина соученик во тетовско училиште
-
Данска испраќа нов пакет воена помош за Украина во вредност од 750 милиони евра
-
Демири: Ако го суспендирав директорот на Токсикологија пред избори, ќе го сфатевте како политичка кампања
-
Јавна расправа на Управниот суд за тужбата од Коалицијата „Вреди“
-
Тошковски - Давкова: Ќе градиме општество во кое основен принцип ќе биде владеење на правото
-
Мицкоски: Од Грција очекував честитки, а не политички мускули, повикувам на добрососедски и пријателски односи
-
РКЕ: Цените на бензините, дизелот и екстра лесното масло за домаќинство остануваат исти, се намалува само цената на мазутот