ССМ бара платите да се зголемат колку што поскапе струјата
Поскапувањето на струјата е избрзана одлука на Регулаторната комисија за енергетика е ставот на најголемиот синдикат во државава. Денеска претседателството на ССМ ја разгледуваше одлуката на РКЕ и констатира дека ова досега најголемо зголемување на цената негативно ќе влијае на животниот стандард на работниците.
Според неофицијалните информации, ССМ преку своите стручни служби ќе направи пресметки за влијанието на покачените цени не само на струјата, туку на сите производи и тоа ќе го внесе во потрошувачката кошница. Ќе бара скапесто зголемување на платите за толку колку што се зголемат трошоците на живот. Ова значи не само покачување на минималната, туку на сите плати.
На реакцијата на ССМ претходеа бројни реакции во јавноста за зголемувањето на цената на струјата. Вчера во Тетово, Куманово, Дебар, Гостивар и во скопски Чаир се одржаа протести со барање за поништување на одлуката и распуштање на РКЕ. Најавено е организирање на масовни протести и во други градови.
Против одлуката на регулаторите е и експертската јавност. Експертите сметаат дека енергетските компании треба да ја трошат акумулираната добивка од претходниот период и да го намалат бројот на вработени за 20% за цената на струјата да не расте во овој период на економска и здравтсвена криза.
Против поскапувањето на струјата се произнесе и најголемата опозициска партија во земјава ВМРО ДПМНЕ.
Наташа Хаџиспиркоска Стефанова
Ново на Сител
-
173 санкции за брзо возење
-
Силјановска Давкова ќе се сретне со со евроамбасадорот Гир и италијанскиот амбасадор Силвестри
-
ЦУК: Забрана за движење кај стрелиштето „Леково“, пожари во Кавадарци и Велес
-
Путин во посета на Кина на 16 и 17 мај
-
Синдикатот на просветни работници во Србија в четврток ја прекинува работата во сите училиштата поради загрозена безбедност
-
Герапетритис: Бараме усогласување со Договорот од Преспа, не е прашање на самоопределување, туку почитување на договореното
-
Неексплодирана рачна бомба пронајдена на улица во Демир Капија
-
Четиринаесет жртви во бомбардирањето на станбена зграда во близина на бегалскиот камп Нусејрат