Старица починала во пожар во скопско Буковиќ

М.Б. (83) вчера била пронајдена почината во изгорен кат од куќа во скопското село Буковиќ.

Како што информира МВР, вчера во ЕИК–Скопје било пријавено дека во 13:25 часот во село Буковиќ од засега непознати причини избувнал пожар во куќа сопственост на Р.Б. (49), при што целосно биле изгорени приземјето и катот, каде била неговата мајка М.Б. која била пронајдена почината. 

Пожарот бил изгаснат од екипи на Бригадата за противпожарна заштита. По наредба на јавен обвинител, телото на почината е предадено на семејството за погреб.