Столтенберг: Целта на Русија е да го заземе целиот Донбас

Генералниот секретар на НАТО, Јенс Столтенберг денеска изјави дека Русија не се откажува од војната со Украина, но оти следните седмици ќе се обиде целосно да го освои регионот Донбас.

– Сега гледаме значително движење на (руските) трупи подалеку од Киев за да се прегрупираат, повторно да се вооружат и да се снабдат и да го префрлат нивниот фокус на исток. Во следните недели очекуваме натамошен руски притисок во источна и јужна Украина и ќе се обидат да го заземе целиот Донбас и да формираат копнен мост до окупираниот Крим – изјави Столтенберг пред состанокот на министрите за надворешни работи на НАТО.

Руските трупи го зазедоа јужниот украински регион Крим пред осум години.