Судири меѓу демонстранти и полиција пред канцеларијата на грчкиот премиер во Атина

- Група демонстранти денеска се судрија со полицијата пред канцеларијата на грчкиот премиер во Атина.

 

Демонстрантите, блиски до Комунистичката партија, протестираа против новиот договор меѓу Грција и нејзините доверители.

 

Министрите за финансии од еврозоната вчера го поддржаа техничкиот договор меѓу Атина и доверителите, постигнат во саботата, што ќе овозможи дополнителна транша на кредити за Грција кон крајот на јануари.

 

Полицијата употреби солзавец против демонстрантите откако го пробија кордонот пред канцеларијата на премиерот и се судрија со полицијата.