Супер лига: Металург 14 од 14

Ракометарите на Металург ја постигнаа и 14.та победа во Супер лигата по триумфот над Радовиш на гостински терен со 28:25 (14:12). Со оваа победа „металурзите“ имаат максимален учинок во лигашкиот дел од натпреварувањето. Најефикасен на натпреварот беше Јанко Божовиќ со 9 голови. Ова беше првиот натпревар од 14.коло што се одигра вчера.

 

Денеска од 19 часот во Прилеп играат истоимената домашна екипа и Вардар Јуниор, додека утре својот дуел ќе го одиграат Металург (2) и Пролет.

 

Рундата ќе биде комплетирана со натпреварите кои се на програмата в сабота: Борец – Работнички (почеток 15 часот) и Пелистер – Охрид (почеток 18 часот).

 

Табела: Металург 42 бода, Охрид 30, Прилеп27, Работнички 27, Вардар Јуниор 18, Радовиш 15, Борец 13, Пелистер 12, Пролет 12, Металург (2) 1.