Супер лига: Охрид не го дава првото место

Ракометарите на Охрид синоќа постигнаа победа на гостувањето во Прилеп над истоимената екипа со 33:27 во натпревар од 16.коло од Супер лигата. Со новите три бодови охриѓани се вратија на првото место на табелата. Најефикасен кај победникот беше Крсте Андоновски со 11 голови.

На вториот натпревар одигран вчера Еурофарм Работник – Радовиш 36:25.

На дуелите  одиграни во петокот: Вардар Јуниор – Металург 2 33:25, Пелистер – Борец 29:25 и Пролет – Работнички 40:23.

Табела: Охрид 37 бодови, Пелистер 37, Работник Еурофарм 34, Борец 26, Прилеп 23, Радовиш 22, Пролет 22, Металург 2 18, Вардар Јуниор 14, Работнички 0.