СЗО: Отворањето на уште еден премин во Газа ќе ја спречи гладта

Генералниот директор на Светската здравствена организација Тедрос Аданом Гебрејесус денеска изјави дека само зголемувањето на бројот на копнени премини во Појасот Газа може да ја спречи гладта ​​во густо населената палестинска енклава.

-Неодамнешните напори за испорака на храна по воздушен и морски пат се добредојдени, но само проширувањето на копнените премини ќе овозможи испорака на големи количества храна за да се спречи гладта, рече Тедрос, пренесен од британските медиуми.

Хуманитарната ситуација во Газа е исклучително тешка, бидејќи населението е на работ на глад откако Израел во ноември ја почна воената операција како одговор на нападите на милитантите на Хамас на 7 октомври.