СЗО: Пандемијата се забрзува
Пандемијата предизвикана од коронавирусот се интензивира во светот, бидејќи во последните шест недели бројот на заболени е речиси двојно зголемен, достигнувајќи 16 милиони, а бројот на умрени надмина 640 илјади, соопшти денеска на брифинг во Женева генералниот директор на СЗО, Тедрос Адханом Гербејсус.
-СЗО има информации за речиси 16 милиони случаи на заразе4ни лица и повеќе од 640 000 смртни случаи. Пандемијата продолжува да се забрзува, рече тој, истакнувајќи дека „бројот на случаи е речиси двојно зголемен во последните шест недели“.
Тедрос најави дека Светската здравствена организација неделава ќе ја свика Комисијата за итни случаи за да ја процени состојбата околу пандемијата. Тој потсети дека на 30 јануари СЗО прогласи вонредна ситуација со коронавирусот со меѓународно значење.
-Во согласност со меѓународните регулативи, неделава ќе го свикам Комитетот за итни случаи за да ја преиспитаме пандемијата и да донесеме соодветни препораки, рече извршниот директор на СЗО.
Според шефот на СЗО, пандемијата на Ковид-19 „го смени светот“. Таа истовремено ги обединува и дели луѓето и општествата, покажувајќи дека „луѓето се способни да реагираат и позитивно и негативно“.
Тој истакна дека сегашната пандемија е најсериозната ситуација во светот, објавена од СЗО.
Ново на Сител
-
Бугарија бара Бугари и меѓу Македонците муслимани на Косово
-
Проекција на НБРМ: Намален раст и забавена инфлација – Цените на храната двојно повисоки од светските
-
Загрижувачка е состојбата со алергии кај децата
-
Студентите на Правен при УГД-Штип симулираа Европски парламентарни избори
-
НБРМ со надолна корекција на растот на македонската економија
-
Петто 4х4 рели во Крушево
-
Преглед на вестите од светот
-
Тема на денот со Лилјана Поповска