СЗО: Во Европа забавува ширењето на новиот коронавирус
Вo Европа има знаци дека забавува ширењето на Ковид-19, но и покрај тоа ситуацијата останува сериозна, изјави денеска директорот на европската канцеларија на Свeтска здравствена организација (СЗО), Ханс Клуге.
– И покрај тоа што ситуацијата и понатаму е прилично алармантна, почнуваме да гледаме охрабрувачки знаци, изјави Клуге на прес-конференција, што се одржуваше онлајн од Копенхаген.
Тој додаде дека во Италија, европска земја со најголем број на инфицирани со новиот коронавирус, има мало намалување на новозаразени лица, но сепак е рано да се каже дека пандемијата го достигнала врвот.
СЗО Европа, која е одговорна за територијата од Атлантски до Тихи Океан, каде има 53 држави, веќе се регистрани 220.000 заразени луѓе, од кои 11.987 починаа.
– Приближно 60 проценти од инфицираните и 70 отсто од починатите од коронавирусот во светот се во Европа, наведе Клуге.
Тој додаде дека преземените мерки за сузбивање на ширењето на Ковид-19 прiдонеле за државите во Европа да добијат на време и да го намалат притисокот врз националните здравствени системи.
Ново на Сител
-
Израелската полиција изврши рација во Ал Џезира во Ерусалим, одзеде опрема
-
Костадиновска-Стојчевска: Македонскиот јазик е нашиот национален белег и најважниот симбол на културниот идентитет
-
Косовската полиција уапси 4-ца македонски државјани меѓу кои и кондовецот Агим Красниќи
-
Макрон го повика Нетанјаху успешно да ги заврши преговорите со Хамас
-
Димитровска: ДКСК оформи 45 предмети поврзани со изборите
-
14-годишна малолетничка од Петровец избегала од дома
-
Малолетник пријавен за насилство врз неговата мајка и брат
-
Бројот на загинати во поплавите во Кенија се искачи на 228