Табла „Republika e Shqiperisë“ и албанско знаме во библиотеката во Центарот за култура во Кичево

Табла „Republika e Shqiperisë" е поставена во библиотеката во НУ Центарот за култура „Кочо Рацин“ во Кичево.

На таблата има натпис само на албански јазик со знамето на Албанија.

Реакција има од вработените во Центарот за култура „Кочо Рацин“, но и од посетителите кои сметаат дека станува збор за провокација и кршење на законите, бидејќи таблата не е двојазична.

Мазлам Османи, директор на Центарот за култура „Кочо Рацин“ за А1он изјави дека станува збор за грешка која ќе биде поправена и дека за ова е надлежна општината.

Таблата била поставена во средата, а незадоволството кај посетителите трае од поодамна затоа што, како што велат тие, се избегнува стоењето на називот на установата Кочо Рацин.